सीबीडी विभागामध्ये भारतीय जनता पार्टी महायुतीचा कार्यकर्ता मेळावा संपन्न…

नवी मुंबई/पालिका प्रशासन : महाराष्ट्र निवडणुकीचा बिगुल वाजताच संपूर्ण राज्यात निवडणुकीची रणधुमाळी सुरु झाली आहे. त्याच अनुषंगाने 151 बेलापूर विधानसभा क्षेत्रामधील सीबीडी येथील वारकरी भवनमध्ये आमदार मंदाताई म्हात्रे यांच्या प्रमुख उपस्थितीत असंख्य पदाधिकारी व कार्यकर्त्यासमवेत “कार्यकर्ता मेळावा” संपन्न झाला. यावेळी आमदार मंदाताई म्हात्रे यांनी सांगितले की, बेलापूर विधानसभा क्षेत्रातील सीबीडी मधील गेली 25 वर्षापासूनची जुने कार्यकर्ते असून ते आजपर्यंत माझ्या सोबतच आहेत. त्यामुळे “माझा कार्यकर्ता हीच माझी मोठी ताकद” असे आमदार मंदाताई म्हात्रे यांनी कार्यकर्त्यांना संबोधित करताना सांगितले.

तसेच भाजपा महायुती पक्ष कायमच विकासाचा मुद्दा घेऊनच राजकारणात काम करत आहे. त्यामुळे आम्ही विकास कामावरच बोलणार असं आमदार मंदाताई म्हात्रे यांनी सांगितले. तसेच 151 बेलापूर विधानसभा क्षेत्रातील बेलापूर ते वाशी पर्यंत या विभागामध्ये माझ्या आमदार निधीमधून तसेच महाराष्ट्र शासनाच्या विविध योजनेअंतर्गत सुमारे रु. 2000 कोटी निधी उपलब्ध करून गावाठांसहित इतर विभागाचा हि कायापालट करून नवी मुंबईचा चेहरा मोहरा बदलून टाकला आहे. त्यामुळे नवी मुंबईमध्ये झालेला विकास जनतेच्या डोळ्यासमोर उभे आहे.

सदर मेळाव्यात अनेक ज्येष्ठ पदाधिकारी, ज्येष्ठ कार्यकर्ते, महिला कार्यकर्त्या, तरुण कार्यकर्ते मोठ्या संख्येने उपस्थित होते. यावेळी मोठ्या संख्येने भारतीय जनता पार्टी महायुतीचा विजय होईल असा विश्वास आमदार मंदाताई म्हात्रे यांनी व्यक्त करत कार्यकर्त्यांना जोमाने कामाला लागण्याच्या सूचना केल्या.

तसेच आमदार मंदाताई म्हात्रे यांनी भारतीय जनता पार्टी महायुतीच्या सर्व कार्यकर्त्यांना आवाहन केले की येत्या मंगळवार दिनांक 29 ऑक्टोबर 2024 रोजी सकाळी 9:30 वाजता छत्रपती शिवाजी महाराज चौक, सागर दर्शन टावर जवळ, सेक्टर 18 नेरूळ (पश्चिम) नवी मुंबई येथे “नामांकन अर्ज” भरण्याकरिता उपस्थित राहण्यास सांगितले आहे.

यावेळी आमदार मंदाताई म्हात्रे यांच्या समवेत माजी जिल्हाध्यक्ष सी व्ही रेड्डी, उत्तप्रदेश प्रकोष्ठ राजाराम सिंग, ज्येष्ठ कार्यकर्ता गोपाल गायकवाड, कमल शर्मा, प्रभाकर कांबळे, महाराष्ट्र प्रदेश सचिव राष्ट्रवादी कॉंग्रेस पार्टी बाळासाहेब बोरकर, दामोदर पिल्ले, हस्तीमल जैन, मनोहर बाविस्कर, विजय शेट्टी, मेनन, बलबीर चौधरी, आरती राउल असंख्य पदाधिकारी कार्यकर्ते उपस्थित होते.